پاکستان اپنی سرزمین کسی بھی ملک کیخلاف استعمال نہیں ہونے دے گا،ڈی جی آئی ایس پی آر

Spread the love

فوج کے شعبہ تعلقات عامہ کے ڈائریکٹر جنرل میجر جنرل آصف غفور نے کہا ہے کہ پاکستان اپنی سرزمین کسی بھی ملک کے خلاف استعمال نہیں ہونے دے گا۔

انہوں نے آج ایک نجی ٹی وی چینل سے گفتگو کرتے ہوئے کہا کہ ہم کسی ایسی کارروائی کا حصہ نہیں بنیں گے جس سے علاقائی استحکام کو نقصان پہنچے۔

یہ بھی پڑھیں:   وفاقی کابینہ میں ردوبدل، اسد عمر کو کابینہ کا حصہ رکھنے کا فیصلہ؟ شیخ رشید نے درخواست کردی

انہوں نےکہا کہ پاکستان امن کا حامی ہے اور علاقائی امن کے لئے تمام ممکنہ کوششیں کررہا ہے۔ پاکستان نے افغان مفاہمتی عمل میں نمایاں کردار ادا کیا ہے۔ انہوں نے کہا کہ ایرانی جنرل پر حملے کے بعد خطے کے حالات میں تبدیلی آئی ہے۔

میجرجنرل آصف غفور نے کہا کہ امریکی وزیر خارجہ مائیک پومپیو نے بری فوج کے سربراہ جنرل قمر جاوید باجوہ سے ٹیلی فون پر بات چیت کی جس میں بری فوج کے سربراہ نے علاقائی ممالک کے درمیان کشیدگی کےخاتمے پر زور دیا۔

یہ بھی پڑھیں:   پی آئی اے کی پروازوں میں موسیقی بجانے کی بجائے قصیدہ بردہ شریف پڑھا جائے گا

ایک سوال پر انہوں نے کہا کہ جس راستے کا انتخاب بھارت نے کیا ہے وہ اس کی اپنی ہی تباہی کا باعث بنے گا۔ انہوں نے کہا کہ پاکستان کی مسلح افواج اپنے ملک کا دفاع کرنا جانتی ہے۔