مشین گن اور 200 گولیوں سے لیس، چھوٹا لیکن ہلاکت خیز مسلح ڈرون

Spread the love

استنبول: ترکی کی ایک فرم نے ’’سونگار‘‘ کے نام سے مسلح ڈرون بنالیا ہے جو ایک عدد مشین گن اور 200 گولیوں سے لیس ہے جبکہ اس کا نشانہ اتنا زبردست ہے کہ 656 فٹ کی دوری سے کسی بھی انسان کو ٹھیک ٹھیک نشانہ بنا سکتا ہے۔ ترک فوج نے یہ ڈرون خرید لیا ہے جسے آئندہ سال کے دوران فوجی دستوں کے استعمال میں دینا شروع کردیا جائے گا۔

یہ بھی پڑھیں:   اب ٹوئٹر پرمشہور افراد کے ساتھ اہم موضوعات کو بھی فالو کیجیے

سونگار مسلح ڈرون کو ترک کمپنی اسیسگارڈ نے تیار کیا ہے۔ کمپنی ویب سائٹ پر اگرچہ یہ تو نہیں بتایا گیا کہ ایک مرتبہ ایندھن بھرے جانے (یا مکمل چارج ہوجانے) کے بعد کتنی دیر تک پرواز کرسکتا ہے، لیکن اتنا ضرور معلوم ہوتا ہے کہ ایک ڈرون آپریٹر اسے 10 کلومیٹر کی دوری سے بھی آپریٹ کرسکتا ہے۔ پوری طرح مسلح ہوجانے کے بعد پرواز کے وقت یہ زیادہ سے زیادہ 25 کلوگرام وزنی ہوسکتا ہے اور 2800 میٹر کی اونچائی تک پہنچ سکتا ہے۔

یہ بھی پڑھیں:   انٹرنیٹ کے موجد خود انٹرنیٹ پر عدم مساوات اور تعصب سے پریشان

اس میں دو کیمرے نصب ہیں جن میں سے ایک پائلٹ کیمرا ہے جس کی مدد سے ڈرون آپریٹر اس کے ارد گرد اور راستے پر نظر رکھ سکتا ہے۔ اس کا زُوم لینس عکس کو 10 گنا تک بڑا کرکے دکھانے کی صلاحیت رکھتا ہے۔ دوسرا کیمرا مشین گن کی نال پر نصب ہے جو ہدف پر نشانہ باندھتے وقت کام آتا ہے۔

یہ بھی پڑھیں:   گوگل اور فیس بک انسانی حقوق کے لیے خطرہ قرار