پاکستان سری لنکا ٹیسٹ سیریز، ٹکٹ اتنی سستی کہ کوئی بھی خرید لے

Spread the love

اسلام آباد : پاکستان کرکٹ بورڈ نے جوبلی انشورنس کے پیش کردہ اوساکا بیٹریز کپ برائے پاکستان سری لنکا ٹیسٹ سیریز 2019 کے لیے ٹکٹوں کی فروخت اور ان کی مالیت کے حوالے سے تفصیلات کا اعلان کر دیا ہے۔ پاکستان اور سری لنکا کے درمیان دو ٹیسٹ میچز پر مشتمل سیریز آئی سی سی ٹیسٹ چمپئن شپ کا حصہ ہے۔

پہلا ٹیسٹ میچ 11 سے 15 دسمبر تک پنڈی کرکٹ سٹیڈیم جب کہ دوسرا 19 سے 23 دسمبر تک نیشنل سٹیڈیم، کراچی میں کھیلا جائیگا۔دونوں ٹیسٹ میچز کیلئے ٹکٹوں کی آن لائن فروخت 7 دسمبر کو شروع ہو گی،شائقین کرکٹhttp://yayvo.com/سے ٹکٹ آن لائن بک کرسکتے ہیں، پہلے ٹیسٹ کے راولپنڈی میں ٹی سی ایس کے مقررہ کردہ سنٹرز سے ٹکٹ کی فروخت بھی 7دسمبر سے شروع ہوجائے گی جبکہ کراچی میں دوسرے ٹیسٹ میچ کے لیے ٹی سی ایس کے سنٹرز پر ٹکٹس 9 دسمبر سے دستیاب ہوں گے۔

یہ بھی پڑھیں:   جنوبی افریقا کیخلاف 15 رکنی قومی ٹی 20 ٹیم کا اعلان،سرفرازاحمد کپتان برقرار

پاکستان میں ٹیسٹ کرکٹ کی واپسی کے موقع پر پی سی بی نے ٹکٹوں کی مالیت 50 روپے مقرر کی ہے۔پنڈی سٹیڈیم میں شعیب اختر انکلوژر کے ٹکٹس پچاس روپے میں دستیاب ہوں گے ۔نیشنل سٹیڈیم، کراچی میں جاوید میاں داد، فضل محمود، قائد، وسیم اکرم، عمران خان، اقبال قاسم اور نسیم الغنی انکلوژرز کے ٹکٹس پچاس روپے میں دستیاب ہوں گے۔

یہ بھی پڑھیں:   عمران خان نے ملک میں کرکٹ کا کیا حشر کیا ہوا ہے،جاوید میانداد

علاوہ ازیں روزانہ کی بنیاد پر سکولوں اور کالجوں کے لیے بڑی تعداد میں ٹکٹس دستیاب ہوں گے جس کا مقصد نئی نسل کو کھیل کی طرف لانا ہے۔شائقین کرکٹ سے درخواست کی جاتی ہے کہ وہ ٹی سی ایس سنٹرز سے ٹکٹوں کی خرید کے وقت قومی شناختی کارڈ اپنے ہمراہ رکھیں۔ ایک شناختی کارڈ پر زیادہ سے زیادہ دس ٹکٹس خریدے جا سکیں گے۔

یہ بھی پڑھیں:   بھارتی کرکٹ ٹیم کی جانب سے فوجی ٹوپیاں پہن کر میچ کھیلاگیا، آئی سی سی اس معاملے کا نوٹس لے، وزیر خارجہ شاہ محمود قریشی