ملک میں براہ راست غیر ملکی سرمایہ کاری میں ریکارڈ اضافہ-

Spread the love

اسلام آباد : رواں مالی سال کے دوران پاکستان میں مختلف شعبوں میں براہ راست غیر ملکی سرمایہ کاری کا حجم 650 ملین ڈالر سے تجاوز کر گیا ہے۔ سرمایہ کاری بورڈ کے اعداد وشمار کے مطابق جولائی سے لے کر اکتوبر 2019 تک پاکستان میں مختلف شعبوں میں براہ راست غیر ملکی سرمایہ کاری کا حجم 650 ملین ڈالر سے بڑھ گیا ہے۔ گزشتہ مالی سال کے دوران پاکستان میں براہ راست غیر ملکی سرمایہ کاری کا حجم 1.66 ارب ڈالر جبکہ مالی سال 2017-18 میں 3.47 ارب ڈالر ریکارڈ کیا گیا تھا۔ مالی سال کی پہلی سہ

یہ بھی پڑھیں:   انٹر بینک میں ڈالر کی 155.40، اوپن مارکیٹ میں 155.35 روپے پر ٹریڈنگ

ماہی میں براہ راست غیر ملکی سرمایہ کاری میں انفارمیشن ٹیکنالوجی اور ٹیلی کمیونیکیشن کا شعبہ سر فہرست رہا ہے جس میں مجموعی طورپر278.1 ملین ڈالر کی براہ راست غیر ملکی سرمایہ کاری دیکھنے میں آئی۔گزشتہ مالی سال کے دوران اس شعبہ میں براہ راست غیر ملکی سرمایہ کاری کا حجم 55.7 ملین ڈالر ریکارڈ کیا گیا تھا۔

تیل و گیس کا شعبہ بھی براہ راست غیر ملکی سرمایہ کاری کی دلچسپی کا محور رہا جس میں مالی سال کی پہلی سہ ماہی میں 40.8 ملین ڈالر کی براہ راست غیر ملکی سرمایہ کاری ریکارڈ کی گئی ۔ گزشتہ مالی سال کے دوران اس شعبہ میں براہ راست غیر ملکی سرمایہ کاری کا حجم 323.3 ملین ڈالر ریکارڈ کیا گیا تھا.

یہ بھی پڑھیں:   اوگرا نے ایل پی جی کی قیمت میں اضافہ کر دیا،نوٹیفیکیشن جاری

اسی طرح فنانشل بزنس کے شعبہ میں مالی سال کے ابتدائی 4 ماہ میں 39.1 ملین ڈالر کی براہ راست غیر ملکی سرمایہ کاری ریکارڈ کی گئی۔گزشتہ مالی سال کے دوران اس شعبہ میں 286.5 ملین ڈالر کی براہ راست غیر ملکی سرمایہ کاری ریکارڈ کی گئی تھی۔ بجلی کے شعبہ میں جاری مالی سال کے دوران اب تک مجموعی طورپر 31.2 ملین ڈالر کی براہ راست غیر ملکی سرمایہ کاری ریکارڈ کی گئی ہے۔

گزشتہ مالی سال کے دوران اس شعبہ میں براہ راست غیر ملکی سرمایہ کاری کا حجم 253.6 ملین ڈالر رہا تھا۔ اسی طرح کیمیکل کے شعبہ میں جاری مالی سال کے دوران 13.8 ملین ڈالر کی براہ راست غیر ملکی ہوئی ۔گزشتہ مالی سال کے دوران اس شعبہ میں مجموعی طورپر 134.5 ملین ڈالر کی براہ راست غیر ملکی سرمایہ کاری ریکارڈ کی گئی تھی۔ جاری مالی سال کے دوران دیگر شعبہ جات میں براہ راست غیر ملکی سرمایہ کاری کا حجم 195.9 ملین ڈالر رہا ۔گزشتہ سال ان شعبہ جات میں 707.8ملین ڈالر کی براہ راست غیر ملکی سرمایہ کاری ریکارڈ کی گئی تھی۔

یہ بھی پڑھیں:   اسٹیٹ بینک نے شرح سود میں کمی کردی