اوگرا نے ایل پی جی کی قیمت میں اضافہ کر دیا،نوٹیفیکیشن جاری

Spread the love

اسلام آباد : اوگرا نے ماہ دسمبر 2019 کیلئے ایل پی جی کی قیمت میں اضافہ کر دیاجس کے مطابق ایل پی جی کی قیمت میں 2روپے فی کلو،گھریلو سلنڈر18روپے اور کمرشل سلنڈرکی قیمت 72روپے اضافہ کے بعد اوگرہ نے ماہ دسمبر کیلئے نئی قیمتیں جاری کر دیں۔

اب ایل پی جی فی کلو 127 کی جگہ 129 روپے فی کلو اور گھریلو سلنڈر 1496روپے کی جگہ 1514 روپے اور کمرشل سلنڈر 5756روپے کی جگہ 5825روپے ملک بھر میں فروخت ہو گی۔بلیک مارکیٹنگ مافیا ہمیشہ ہمیشہ کے لیے دفن کر دیا گیا۔

یہ بھی پڑھیں:   نریندر مودی کی سیاست خطے کے امن کے لئے خطرہ ہے: ایف پی سی سی آئی

اوگرا نوٹیفکیشن میں متعین کردہ قیمت سے زیادہ قیمت پرایل پی جی فروخت کرنے والے ڈِسٹری بیوٹرز کے خلاف کاروائی عمل میں لائی جائے گی۔ایل پی جی انڈسٹری ایسوسی ایشن پاکستان کے چیئرمین عرفان کھوکھرنے ایل پی جی ڈسٹری بیوٹرز کو ہدایت کرتے ہوئے کہا کہ کوئی بھی شخص اوگرا نوٹیفکیشن میں متعین کردہ قیمت سے زیادہ قیمت پر ایل پی جی کسی صورت فروخت نہ کرے۔

یہ بھی پڑھیں:   حکومت کی شاندار معاشی پالیسی، ملکی مالی خسارہ 13سال کی کم ترین سطح پر آ گیا

سردیوں میں ایل پی جی کا شارٹ فال نہیں ہو گا اور ملک بھر میں وافر مقدار میں گیس دستیاب رہے گی۔ ایل پی جی کے کاروبار میں پولیس کی براہ راست مداخلت بالکل ختم کی جائے،ہمیں پولیس کی بھتہ گیری نامنظور ہے۔انہوں نے کہا کہ ایل پی جی دکانوں کو لیگل کیا جائے کیونکہ لاکھوں خاندانوں کا رزق اس سے جڑا ہوا ہے یا حکومت اسکا متبادل دے تا کہ وہ خاندان اپنی روزی روٹی جاری رکھ سکیں۔

یہ بھی پڑھیں:   ڈالرپر انحصار ختم؟پاکستان کاایک ارب ڈالر مالیت کے پانڈابانڈ جاری کرنے کافیصلہ،پہلی بار بانڈ چینی کرنسی میں جاری کئے جائیں گے

انہوں نے کہا کہ روزبروز پولیس و سرکاری اہلکاروں کی بھتہ گیری و مداخلت نا منظور ہے اور اسکے خلاف کوئی مستقل ہل نکالا جانا چاہئے۔ ہم وزیراعظم عمران خان اور وزیرپیٹرولیم، وزارت پیٹرولیم کے ایل پی جی کی بلیک مارکیٹنگ کا کارٹل ختم کرنے پر ان کے شکر گزار ہیں بے حد مشکور ہیں۔