حسن علی شادی کے بعد سے مسلسل کس تکلیف کا شکارہیں؟

Spread the love

لاہور: محسوس ہوتا ہے کہ فاسٹ بالر حسن علی کو بھارتی دوشیزہ سے شادی راس نہیں آئی ہے۔ پیسر اگست میں شادی کے بعد سے مسلسل کمر کی تکلیف کا شکاراور پاکستانی ٹیم سے باہر ہیں اور اب پیسر پسلیوں کی تکلیف میں بھی مبتلا ہو گئے ہیں جسکے بعد انکی کرکٹ میں واپسی مزید تاخیر کا شکار ہو گئی ہے۔

حسن علی ستمبر سے کمر کی تکلیف کا شکار ہیں اور اسی وجہ سے وہ سری لنکا کیخلاف ہوم سیریز اور دورہ آسٹریلیا کیلئے قومی ٹیم میں شامل نہ ہو سکے۔حسن علی نے نیشنل کرکٹ اکیڈمی لاہور میں ری ہیب میں حصہ لیا جس کے بعد انہیں قائد اعظم ٹرافی میں سینٹرل پنجاب کی جانب سے کراچی میں نویں راونڈ کا میچ کھیلنے کی بھی اجازت دی گئی تاکہ میچ سے ان کی فٹنس کا اندازہ لگایا جا سکے۔

یہ بھی پڑھیں:   سیف گیمز میں پاکستانی کھلاڑیوں کی شاندار کارکردگی

ذرائع کا کہنا ہے کہ میچ سے قبل حسن علی نے پسلیوں میں تکلیف کے بارے میں بتایا جس کے بعد کراچی کے ایک ہسپتال سے ان کا سکین کرایا گیا، سکین میں دائیں طرف پسلیوں میں 3 جگہ سے ہئیر لائن فریکچر کا انکشاف ہوا ہے۔

ذرائع کے مطابق حسن علی کو سینٹرل پنجاب سے ریلیز کر دیا گیا ہے اور ان کا لاہور میں بھی سکین کرایا گیا ہے، رپورٹ کا جائزہ لینے کے بعد انہیں آرام تجویز کیا جائیگا۔

یہ بھی پڑھیں:   بابراعظم نے آسٹریلیا کیخلاف ٹیسٹ سیریز میں خطرناک عزائم ظاہر کردیئے

حسن علی پاکستان کی جانب سے 9 ٹیسٹ، 53 ون ڈے اور 30 ٹی ٹونٹی میچ کھیل چکے ہیں جب کہ انہوں نے آخری میچ آئی سی سی ورلڈ کپ میں 16 جون کو مانچسٹر میں بھارت کے خلاف کھیلا۔

رواں سیزن میں انہوں نے فرسٹ کلاس کرکٹ میں پہلے رانڈ کا میچ کھیلا، انہوں نے سینٹرل پنجاب کی جانب سے سدرن پنجاب کے خلاف میچ میں تین وکٹیں حاصل کیں۔ قومی ٹیم کے بالنگ کوچ وقار یونس آسٹریلیا سے مسلسل رابطے میں رہ کر حسن علی کی فٹنس پر اپ ڈیٹ حاصل کررہے ہیں۔

یہ بھی پڑھیں:   بابراعظم نے ایک اور منفرد اعزاز اپنے نام کرلیا،