حکومت آرمی چیف کی تقرری پرفوری قانون سازی کی خواہاں

Spread the love

اسلام آباد: حکومت آرمی چیف کی تقرری پرفوری قانون سازی کی خواہاں ہے اورآنے والے قومی اسمبلی اجلاس سے پہلے اپوزیشن کو اعتماد میں لینا چاہتی ہے۔

تفصیلات کے مطابق سپریم کورٹ کی جانب سے آرمی چیف کی مدت ملازمت میں 6 ماہ کی مشروط توسیع کے بعد حکومت آرمی چیف کی تقرری پر فوری قانون سازی کی خواہاں ہے اور آنے والے قومی اسمبلی اجلاس سے پہلے اپوزیشن کو اعتماد میں لینا چاہتی ہے۔

یہ بھی پڑھیں:   سابق صوبائی وزیر علیم خان کو احتساب عدالت میں پیش کردیاگیا

ذرائع کے مطابق اپوزیشن سے اتفاق رائے پیدا کرنے کے لیے قومی اسمبلی کا شیڈول اجلاس ملتوی کیا گیا، اسپیکر قومی اسمبلی کی زیر صدارت آئندہ چند روز میں اہم اجلاس بھی متوقع ہے۔ قومی اسمبلی اجلاس سے قبل وفاقی کابینہ میں آئین اورآرمی ایکٹ میں ترامیم پیش کی جائیں گی۔

یہ بھی پڑھیں:   جمہوری نظام کو کچھ ہوا تو ذمہ داری حکومت پر ہوگی ،خواجہ سعد رفیق

ذرائع کا کہنا ہے کہ اپوزیشن سے رابطوں کے لیے اسپیکرقومی اسمبلی ایک مرتبہ پھراپنا کردار ادا کریں گے جب کہ اپوزیشن اوراتحادی جماعتوں کے پارلیمانی سربراہان سے مشاورت بھی کی جائے گی۔