جرمنی میں پالتو کتے کا پیار سے چاٹنا مالک کی جان لے گیا

Spread the love

برلن : 63 سالہ جرمن شہری کو ان کے پالتو کتے نے چاٹا جس کے نتیجے میں وہ جان کی بازی ہار گئے۔میڈیارپورٹس کے مطابق ڈاکٹروں نے کہاکہ ان کے پالتو کتے کے تھوک میں ایک خطرناک بیکٹیریا تھا جس کی وجہ سے انہیں انفیکشن ہوا۔

63 سالہ شخص انفیکشن ہونے کے بعد تقریباً 2 ہفتے تک اسپتال میں زیرِ علاج رہا لیکن اس انفیکشن کی وجہ سے متعدد بیماریاں لاحق ہوگئیں جس میں نمونیا، شدید بخار اور خطرناک الرجی وغیرہ شامل تھی۔ایک ڈاکٹر نے بتایا کہ اس شخص کو ’کیپنو سیٹوفیگا کینی مورسس‘ نامی انفیکشن ہوگیا تھا جو کہ عموماً کسی چیز کے کاٹ لینے سے ہوجاتا ہے

یہ بھی پڑھیں:   طب کی دنیامیں جدت کے مطابق سہولیات پیداکرکے عوام کوریلیف دیاجاسکتاہے ، ڈاکٹریاسمین راشد

جب کہ یہ انفیکشن جانور کے چاٹنے سے بھی پھیلتا ہے۔انہوں نے مزید بتایا کہ متاثرہ شخص کو 3 دن سے نزلا تھا جب کہ اسے سانس لینے میں دشواری ہورہی تھی جس کے بعد اسے اسپتال لایا گیا جہاں اس کی حالت انتہائی خراب ہوگئی اور اس کے پورے جسم پر زخم نما چیز اْبھر آئی جس میں شدید تکلیف بھی ہورہی تھی۔

یہ بھی پڑھیں:   سندھ میں ڈینگی بخار کے کیسز میں تیزی سے آصافہ

ڈاکٹر کا مزید کہنا تھا کہ یہ انفیکشن اس شخص کے جسم میں اتنا پھیلتا گیا کہ اس کے گردے، جگر اور دل کو شدید متاثر کرنے لگا۔63 سالہ متاثرہ شخص اسپتال میں 16 دن زیرِعلاج رہنے کے بعد جسم کے تمام اعضاء کی حرکت بند ہونے کے باعث دم توڑ گئے۔ڈاکٹر کے مطابق یہ جراثیم بہت ہی کم تعداد میں پائے جاتے ہیں۔

یہ بھی پڑھیں:   دہی کا روزانہ استعمال قوتِ مدافعت بڑھائیں
کیٹاگری میں : صحت