زخموں پر دوا اور پٹی ایک ساتھ لگانے والا اسپرے

Spread the love

مونٹانا: اب ایک نئی ٹیکنالوجی کی بدولت مرہم، دوا اور پٹی کو ایک اسپرے کی صورت میں براہِ راست زخموں پر لگایا جاسکتا ہے، اس طریقے میں الیکٹرو اسپننگ ٹیکنالوجی کو استعمال کیا گیا ہے۔

اس سے قبل الیکٹرو اسپننگ عمل کو پالیمر کے ریشے تیار کرنے کے لیے استعمال کیا جاتا رہا ہے۔ اگر اس میں مصنوعی ریشوں (فائبر) کی جگہ حیاتیاتی یا طبی مٹیریل استعمال کیا جائے تو اسے مریضوں کے زخم پر لگایا جاسکتا ہے لیکن اول تو الیکٹرو اسپننگ میں بلند وولٹیج استعمال کیا جاتا ہے اور اس طرح کرنٹ کے جھٹکے لگنے کا خدشہ بھی رہتا ہے۔

یہ بھی پڑھیں:   کورونا وائرس پوری دنیا کو اپنی لپیٹ میں لے سکتا ہے،عالمی ادارہ صحت کی وارننگ

مونٹانا ٹیکنالوجی یونیورسٹی کے سائنس دانوں نے ایک دستی آلہ بنایا ہے جو کسی خطرے کے بغیر ایسے ریشے بناسکتا ہے جسے طبی اور مرہم پٹی کے لیے استعمال کیا جاسکتا ہے، یہ سسٹم براہِ راست دوا اور پٹی زخم پر پھینک سکتا ہے، خشک ہونے پر فوری طور پر پٹی نمودار ہوجاتی ہے۔

یہ بھی پڑھیں:   پاکستان میں ہر سال کتنے بچے نمونیا سے مر جاتے ہیں؟

تجرباتی طور پر اسے تربوز سمیت دیگر کئی اشیا پر آزمایا گیا ہے اور اس کے بہتر نتائج برآمد ہوئے ہیں اور یہ عمل اسپرے پینٹنگ کی طرح ہی ہوتا ہے، ہم جانتے ہیں کہ جب ہم اسپرے سے رنگ کرتے ہیں تو رنگ کے ذرات کسی سطح پر جاکر جمع ہوتے رہتے ہیں۔ اسی طرح نیا نظام بھی اسپرے پینٹنگ کی طرح مرہم اور پٹی کو زخم پر جما سکتا ہے۔

یہ بھی پڑھیں:   غذائی اجزا کے کیپسول نہ کھائیں ، اب خردبینی ذرات آزمائیں.
کیٹاگری میں : صحت