سکیورٹی چیلنجز ،پاکستان کاایران کیساتھ سرحد پر بھی باڑ لگانے کا فیصلہ

اسلام آباد: وفاقی وزیر برائے منصوبہ بندی خسرو بختیار نے کہا ہے کہ پاکستان نے افغانستان کے بعد ایرانی سرحد پر بھی باڑ لگانے کا فیصلہ کر لیا ہے۔میڈیا سے غیر رسمی بات چیت کرتے ہوئے ان کا کہنا تھا کہ پاکستان میں سکیورٹی چیلنجز کی ایک بڑی وجہ ہمسایہ ملکوں کے حالات ہیں.

یہ بھی پڑھیں:   اللہ کا شکر ہے مشکل وقت سے نکل آیا ہوں، وزیراعظم

افغانستان کیساتھ 100 کلومیٹر کی سرحد پر باڑ 10سال قبل لگا لینی چاہئے تھی۔وفاقی وزیر نے کہا کہ پاک ایران سرحد پر بھی باڑ لگانے کا منصوبہ ہے۔ ملٹری اور سول لیڈرشپ نے سکیورٹی صورت حال پر کافی حد تک قابو پا لیا ہے، سرمایہ کاری، مالی ترقی کیلئے امن و استحکام ضروری ہے۔ پاک افغان بارڈر پر کافی پیش رفت ہوچکی ہے اب یہ کام 2020 تک مکمل کر لیا جائیگا۔