مکڑیوں سے متاثر ہوکر دونوں طرف سے چپکنے والی جراحی کی ٹیپ تیار

Spread the love

بوسٹن: سائنسدانوں نے دونوں اطراف سے چپکنے والی ایک ایسی ٹیپ تیار کی ہے جو سیکنڈوں میں زخموں پر چپک کر انہیں بند کردیتی ہے۔ یہ ٹیپ ماہرین نے شکاری مکڑیوں کی اس لعاب دار گوند سے متاثر ہوکر بنائی ہے جسے وہ برسات میں اپنے شکار کے لیے استعمال کرتی ہے۔

اس ٹیپ کے کئی تجربات کے بعد ماہرین نے کہا ہے کہ ٹیپ کو ٹانکوں کی جگہ استعمال کیا جاسکتا ہے کیونکہ بعض ٹشوز (بافتوں) کو ٹانگوں سے جوڑنے میں مشکل پیش آتی ہے اور کئی مریضوں میں ناسور جیسی پیچیدگیاں پیدا ہوجاتی ہیں۔

یہ بھی پڑھیں:   مشین گن اور 200 گولیوں سے لیس، چھوٹا لیکن ہلاکت خیز مسلح ڈرون

لیکن انسانوں پر آزمائش کی منزل اب بھی کئی سال کی مسافت پر ہے ۔ ایک اندازے کے مطابق دنیا بھر میں ہرسال 23 کروڑ جراحی کے واقعات یا سرجیکل آپریشن ہوتے ہیں۔ ان میں زخموں کو ٹانکوں سے بند کیا جاتا ہے۔ ایم آئی ٹی کے ڈاکٹر زیاؤ اور ان کی ٹیم نے اسے تیار کیا ہے۔

اگرچہ سرجری کی ٹیپ ایک عرصے سے استعمال ہورہی ہیں لیکن ان میں گوند زہریلے اثرات رکھتی ہے۔ کئی مریضوں نے زخم پر جلن، سرخی اور سوزش کی شکایت کی ہے۔ یہ ٹیپ ہر مریض پر کامیاب بھی نہیں ہوپاتیں۔

یہ بھی پڑھیں:   خبردار! آپ کا اسمارٹ ٹیلی ویژن بھی آپ کی جاسوسی کرسکتا ہے، ایف بی آئی وی

اب نئی ٹیپ سے زخم کی دونوں گیلی سطحیں فوری طور پر بند کی جاسکتی ہے اور یہ سب مکڑی کو دیکھ کر بنایا گیا جو خاص گوند سے تیزبارش میں بھی اپنے شکار کو جکڑ لیتی ہیں۔

مکڑی کی گوند میں چارج شدہ پولی سیکرائیڈز شامل ہوتے ہیں جو فوری طور کسی بھی سطح سے پانی جذب کرلیتے ہیں اور گوند پانی سے پاک ہوکر چپکنے کے قابل ہوجاتی ہے۔ اس کے جواب میں ماہرین نے پولی ایکریلک ایسڈ کو استعمال کیا ہے جو بچوں کے پیمپرز میں رطوبت جذب کرنے کا کام کرتا ہے۔

یہ بھی پڑھیں:   کوالکوم نے 2020ء کے اسمارٹ فون کے لیے نئی چپ پیش کردی

صرف چند سیکنڈوں میں چپکنے کے بعد ٹیپ مزید مضبوط ہوجاتی ہے اور زخم کو دونوں اطراف سے بند کردیتی ہے۔ لیکن یاد رہے کہ یہ ٹیپ بدن کے اندر مثلاً پھیپھڑے کے زخم یا پھٹی ہوئی شریانوں کو بند کرنے کا کام کرسکتی ہے۔