پاکستان کی داخلی سلامتی صورتحال پہلے سے بہت بہتر ہے، ڈٰی جی آئی ایس پی آر

واشنگٹن(مانیٹرنگ ڈیسک)ڈی جی آئی ایس پی آر میجر جنرل آصف غفور کا کہنا ہے کہ عوام اور سیکورٹی اداروں کی کوششیں اور قربانیاں رنگ لا رہی ہیں اور پاکستان کی داخلی سلامتی صورتحال پہلے سے بہت بہتر ہے۔

واشنگٹن میں پاکستانی سفارت خانے میں میڈیا سے بات کرتے ہوئے پاک فوج کے ترجمان میجر جنرل آصف غفور نے ملک کی سیکورٹی صورتحال سے متعلق آگاہی دی اور فروری کی پاک بھارت کشیدگی سے متعلق بھی میڈیا نمائندگان کو آگاہ کیا۔ ان کا کہنا تھا کہ بیرون ملک پاکستانی میڈیا کا پاکستان کے مثبت امیج کو اجاگر کرنے میں اہم کردار ہے۔

یہ بھی پڑھیں:   سپریم کورٹ کا ڈاکٹر شاہد مسعود کو ضمانت پر رہا کرنے کا حکم

ڈی جی آئی ایس پی آر نے کہا کہ افواج پاکستان نے پاکستانی سرحدوں کا بہادری سے بھر پور دفاع کیا اور پاکستانی عوام اور سیکورٹی اداروں کی کوششیں اور قربانیاں رنگ لا رہی ہیں، پاکستان کی داخلی سلامتی صورتحال پہلے سے بہت بہتر ہے جب کہ سیکیورٹی فورسز کی بنیادی توجہ اب بلوچستان کی طرف ہے، بلوچستان میں حکومتی ترقیاتی منصوبے فوج کی مدد سے جاری ہیں۔

یہ بھی پڑھیں:   اقبالیات اور اسلامی تاریخ کو نصاب میں شامل کیا جائے،عمران خان

میجر جزل آصف غفور کا کہنا تھا کہ پاک افغان سرحد پر باڑ لگانے سے سرحدی کنٹرول میں بہتری آرہی ہے، سرحدی باڑ لگنے سے دہشت گردوں کی مشکلات میں اضافہ، دہشت گردی کے واقعات بتدریج کم ہوں گے جب کہ دہشت گردی سے متاثرہ علاقوں میں سول انتظامیہ کے ساتھ ملکر تعمیروترقی اور بحالی کا کام جاری ہے۔

یہ بھی پڑھیں:   حکومت کا قائمہ کمیٹیوں کے چیئرمینوں کے خلاف تحریک عدم اعتماد لانے کا فیصلہ

ایک سوال کے جواب میں ترجمان پاک فوج نے کہا کہ آرمی چیف وزیراعظم کے ہمراہ وائٹ ہاؤس میں ہونے والی ملاقات میں شرکت کریں گے اور آرمی چیف پینٹاگون کا دورہ اور امریکی ملٹری قیادت سے بھی ملاقاتیں کریں گے۔