وفاقی بیورو کریسی میں تقرر و تبادلے کردئیے گئے

اسلام آباد (این این آئی)وزیراعظم عمران خان کی منظوری کے بعد وفاقی بیورو کریسی میں تقرر و تبادلے کردئیے گئے۔میڈیا رپورٹ کے مطابق گریڈ 21 کے میاں وحید الدین کو اسپیشل سیکریٹری داخلہ تعینات کردیا گیا ، گریڈ21 کے افضل لطیف کو اسٹیبلشمنٹ ڈویڑن رپورٹ کرنے کی ہدایت کی گئی ۔

یہ بھی پڑھیں:   پتنگ بازی کی اجازت دینے کیخلاف درخواست سماعت کیلئے مقرر

گریڈ 22 کی ناہید درانی کو اسپیشل سیکریٹری پٹرولیم ڈویژن تعینات کیا گیا اور گریڈ 22 کی شائستہ سہیل کو سیکریٹری غربت مٹاؤ ڈویژن کی ذمہ داریاں سونپی گئی ہیں اس کے علاوہ چیئرمین کیپٹل ڈیویلپمنٹ اتھارٹی (سی ڈی اے)عامر احمد علی کے عہدے کی مدت میں توسیع کی گئی ہے۔

یہ بھی پڑھیں:   تین ہفتوں میں قوم کو بہت بڑی خوشخبری دوں گا، نواز شریف نے بیرون ملک اپنے بیٹوں کے نام پر اربوں روپے اکٹھے ہیں، بدقسمتی سے دین کا ٹھیکیدار مولانا فضل الرحمن بنا دیا، وزیراعظم عمران خان