لاہور ہائیکورٹ نے ملک ریاض کے داماد کی ضمانت منظور کرلی، نیب کو گرفتاری سے روک دیا

لاہور (زرائع) لاہور ہائیکورٹ نے بحریہ ٹاؤن کے مالک اور ریئل اسٹیٹ ٹائکون ملک ریاض کے داماد زین ملک کی حفاظتی ضمانت منظور کرلی۔عدالت میں جسٹس ملک شہزاد احمد خان کی سربراہی میں 2 رکنی بینچ نے زین ملک کی درخواست پر سماعت کی، اس دوران درخواست گزار زین ملک اور ان کے وکیل اظہر صدیقی ایڈووکیٹ پیش ہوئے۔

یہ بھی پڑھیں:   طالبان اور امریکا کے درمیان مذاکرات کا اگلا دور 18 فروری کو اسلام آباد میں ہوگا

سماعت کے دوران وکیل کی جانب سے موقف اپنایا گیا کہ ان کے موکل کے خلاف قومی احتساب بیورو (نیب) میں انکوائریاں چل رہی ہیں، اس پر نیب کے خصوصی پراسیکیوٹر نے کہا کہ جے آئی ٹی تحقیقات کر رہی ہے۔ساتھ ہی درخواست گزار زین ملک نے کہا کہ وہ متعلقہ فورم پر جاکر اپنے کیس کا دفاع کرنا چاہتا ہوں لیکن خدشہ ہے کہ نیب انہیں گرفتار کرلے گی، لہٰذا حفاظتی منظور کی جائے۔

یہ بھی پڑھیں:   نواز شریف نے کتنے ارب ڈالر دینے کی رضامندی ظاہر کی تھی؟ مریم نواز نے پوری ڈیل ہی الٹا دی، اہم انکشاف

بعد ازاں عدالت نے زین ملک کی حفاظتی ضمانت منظور کرتے ہوئے نیب کو ایک ہفتے تک گرفتاری سے روک دیا۔خیال رہے کہ احتساب کے قومی ادارے کی راولپنڈی برانچ نے جعلی اکاؤنٹس کیس میں اومنی گروپ کے چیف ایگزیکٹو افسر عبدالغنی مجید اور ملک ریاض کے بیٹے اور داماد اور دیگر کے خلاف ریفرنس دائر کیا تھا۔

یہ بھی پڑھیں:   فوادچودھری کی معذرت قبول،چوہدری شجاعت میدان میں آگئے