نیب کا حمزہ شہباز کے گھر پر چھاپہ، سارے گھر کی تلاشی لی گئی

لاہور (زرائع) قومی احتساب بیورو (نیب) کے حکام نے پاکستان مسلم لیگ(ن) کے رہنما اور پنجاب اسمبلی میں قائد حزب اختلاف حمزہ شہباز کے گھر پر مبینہ چھاپہ مارا اور تلاشی لی۔

زرائع کے مطابق لاہور کے علاقے ماڈل ٹاؤن میں نیب کی ٹیم حمزہ شہباز شریف کے گھر پہنچی اور تلاشی لینا شروع کردی۔ادھر اس بارے میں مسلم لیگ (ن) کی ترجمان مریم اورنگزیب نے اس بات کی تصدیق کرتے ہوئے بتایا کہ نیب حکام نے حمزہ شہباز کے گھر چھاپہ مارا۔

یہ بھی پڑھیں:   شریف فیملی کو اپنے ہی بنائے ہوئے کسی ہسپتال پر اعتبار نہیں، فواد چوہدری

مریم اورنگزیب کا کہنا تھا کہ حمزہ شہباز کے گھر میں آنے والے نیب حکام کے پاس نہ کوئی وارنٹ تھے اور نہ ہی انہوں نے کوئی اجازت لی تھی۔انہوں نے کہا کہ یہ چھاپے کس قانون کے تحت مارے جارہے ہیں، کیا شہباز شریف اور حمزہ شہباز کیا دہشت گرد ہیں، موجودہ حکومت خوفزدہ ہے کہ وہ اس ہتھکنڈے پر اتر آئے۔

یہ بھی پڑھیں:   پاکستان کی معیشت پر غیریقینی کی فضا طاری ہے : معیشت فرخ سلیم

مسلم لیگی ترجمان کا کہنا تھا کہ نیب کی ٹیم کے چھاپے کے وقت حمزہ شہباز گھر میں موجود تھے اور نیب کی ٹیم نے ان سے سوالات کیے۔