قوم کا پیسہ لوٹنے والوں سے کوئی ڈیل نہیں ہوگی،وزیراعظم

Spread the love

باجوڑ(مانیٹرنگ ڈیسک)وزیراعظم عمران خان نے کہا ہے کہ بڑے بڑے چور اور ڈاکو خطرے میں ہیں لیکن اب نہ کوئی ڈیل ہوگی نہ ہی این آر او ملے گا۔ باجوڑ میں جلسے سے خطاب کرتے ہوئے وزیراعظم عمران خان نے کہا کہ بھارت میں الیکشن کے انعقاد تک سب کو چوکنا رہنا ہے،

ہوسکتا ہے کہ اگلے 30 دنوں میں الیکشن کی وجہ سے بھارت ہمارے خلاف کوئی کارروائی کرے، اس لیے قوم اور مسلح افواج کے ساتھ ساتھ قبائلیوں کو بھی چوکنا رہنا ہے، ہماری بدقسمتی ہے کہ ہندوستان میں حکمران جماعت نفرتیں پھیلا کر الیکشن جیتنا چاہتی ہے۔

یہ بھی پڑھیں:   لائن آف کنٹرول کھوئی رٹہ سیکٹر پر وقفے وقفے سے انڈین آرمی کی بلااشتعال فائرنگ

عمران خان نے کہا کہ پاکستانی قوم جنگ نہیں امن چاہتی ہے لیکن ہماری امن کی پالیسی کو کبھی کوئی کمزوری نہ سمجھے، ہندوستان سے کہا ہے کہ جنگ کے بجائے تجارت کریں اور کشمیر کا مسئلہ بات چیت سے حل کریں،

میں کشمیریوں کو ان کی جدوجہدِ آزادی اور دلیری پرانہیں سلام پیش کرتا ہوں، امن و خوشحالی کے لیے مودی سے بھی بات کرنے کو تیار ہوں، افغانستان میں طالبان اور امریکا کے مذاکرات جاری ہے جس سے وہاں امن کی امید ہے۔

یہ بھی پڑھیں:   کسان اتحاد کا پنجاب اسمبلی کے باہر دھرنا،آلو کی قیمت 12روپے مقرر کرنے کا مطالبہ

عمران خان نے کہا کہ کبھی کسی کرپٹ، عوام کا پیسہ لوٹنے والے اور منی لانڈرنگ کرنے والوں سے ڈیل نہیں کروں گا، ملک نے دو این آر او کی بہت بڑی قیمت ادا کی ہے، مشرف نے ایک این آر او نواز شریف کو دیا اور دوسرا زرداری کو دیا،

یہ بھی پڑھیں:   30 لاکھ سے زائد غیرقانونی موبائل فونز بند کرنے کا فیصلہ

اب جمہوریت کو کوئی خطرہ نہیں بلکہ بڑے بڑے ڈاکو اور لیٹرے خطرے میں ہیں، قوم کا پیسہ لوٹنے والوں سے کوئی ڈیل نہیں ہوگی، کسی کو این آر او نہیں دیا جائے گا۔