پاکستان اور بھارت مسئلہ کشمیرکےحل کیلئے مذاکرات کریں، جرمن وزیر خارجہ

اسلام آباد(ویب ڈیسک)جرمنی نے پاک بھارت کشیدگی کے خاتمے کےلیے دونوں ممالک کے درمیان مسئلہ کشمیر پر مذاکرات کی ضرورت پر زور دیا ہے۔وزیر خارجہ شاہ محمود قریشی سے جرمن ہم منصب ہائیکو ماس نے اسلام آباد میں ملاقات کی جس کے بعد دونوں نے مشترکہ پریس کانفرنس کی۔

جرمن وزیر خارجہ ہائیکو ماس نے مقبوضہ کشمیر کی صورتحال اور پاک بھارت کشیدگی پر تشویش کا اظہار کرتے ہوئے کہا کہ مقبوضہ کشمیر میں انتہائی ابتر صورتحال ہے،

یہ بھی پڑھیں:   عمران خان اور صدر ٹرمپ دونوں ایک جیسی شخصیات کے مالک ہیں:امریکی سینیٹر لنزی گریم

مسئلہ کشمیرکے حل اورکشیدگی میں کمی کے لیےمذاکرات ہونے چاہئیں۔ جرمن وزیرخارجہ نے کہا کہ پاکستان کے ساتھ بہت اچھے تعلقات ہیں اور افغان امن عمل میں پاکستان کے کردارکوسراہتے ہیں۔

شاہ محمود نے کہا کہ جرمن وزیرخارجہ سےمفیدبات ہوئی اور انہیں پلوامہ واقعےکےبعد کی صورتحال سے مکمل آگاہ کیا گیا، دہشتگردی کےخاتمےکےلیےنیشنل ایکشن پلان پرعمل درآمد کررہے ہیں

یہ بھی پڑھیں:   خطے میں امن کے لیے پاکستان کی حمایت کر تے ہیں، چین نے اہم اعلان کردیا

سیاسی قیادت کی مشاورت سےانتہاپسندی کےخاتمےکیلیےاقدامات کررہےہیں۔ وزیر خارجہ شاہ محمود قریشی نے کہا کہ دونوں ممالک کے درمیان اقتصادی تعلقات کی ضرورت ہے.

جرمن وزیرخارجہ سے بھی ویزہ سہولتوں میں نرمی پر بھی بات ہوئی، پاکستان میں بیرونی سرمایہ کاروں کاخیرمقدم کرتےہیں۔

انہوں نے کہا کہ افغانستان میں امن کے لیے پاکستان کا اہم کردار ہے،افغان امن مذاکرات پرجرمنی مطمئن ہے۔

یہ بھی پڑھیں:   سعودی ولی عہد کا دورہ پاکستان،تفصیلات جاری،صدر مملکت، وزیراعظم اور آرمی چیف قمر سے ملاقاتیں ہونگیں