افضل کوہستانی قتل کیس: پولیس نے قتل کے الزام میں ایک ملزم کو گرفتار کرلیا

پشاور (زرائع) پولیس نے کوہستان ویڈیو اسکینڈل منظرِ عام پر لانے والے شخص افضل کوہستانی کے قتل کے الزام میں ایک ملزم کو گرفتار کرلیا۔

ڈسٹرک پولیس افسر ایبٹ آباد، عباس مجید مروت نے گرفتاری کی تصدیق کرتے ہوئے بتایا کہ ’کوہستان کے ضلع پلاس میں ایک چھاپے کے دوران گرفتاری عمل میں آئی‘۔

یہ بھی پڑھیں:   فوادچودھری کی معذرت قبول،چوہدری شجاعت میدان میں آگئے

عباس مروت نے ڈان سے گفتگو کرتے ہوئے بتایا کہ ’پلاس کے نواحی علاقے سے گرفتار کیے جانے والے شخص کی شناخت معصوم خان کے نام سے ہوئی۔

ان کا کہنا تھا کہ مذکورہ گرفتاری ابتدائی تحقیقات کے نتیجے میں عمل میں آئی، اس کے علاوہ ملزم معصوم خان سے ہتھیار بھی برآمد ہوئے، جبکہ ملزم کا جسمانی ریمانڈ حاصل کرنے کے لیے اسے جوڈیشل میجسٹریٹ کے سامنے پیش کیا جائےگا۔

یہ بھی پڑھیں:   فیس بک استعمال پر خاتون نے شوہرکوگرفتار کرادیا

واضح رہے کہ افضل کوہستانی کے قتل کے مقدمے میں ان کے بھتیجے فیض الرحمٰن کو گرفتار کیا گیا تھا، ڈسٹرک پولیس افسر (ڈی پی او) کے مطابق گرفتار ملزم کا بیان ریکارڈ کرنے کے لیے اسے جوڈیشل میجسٹریٹ کے سامنے پیش کیا جاچکا ہے۔

خیال رہے کہ افضل کوہستانی کو گزشتہ رات 8 بجکر 10 منٹ پر ابیٹ آباد کے سربان چوک پر نامعلوم افراد نے فائرنگ کرکے قتل کردیا تھا۔

یہ بھی پڑھیں:   نثار اور شہباز شریف کی آپس میں سیٹنگ ہو گئی ہے، شاہد مسعود