موٹرسائیکلز کی قیمتوں میں 6 سو سے 2 ہزار روپے تک اضافہ کردیا گیا

کراچی (زرائع) اٹلس ہونڈا لمیٹڈ (اے ایچ ایل) نے اپنے مختلف 2 ویلرز ماڈلز کی قیمتوں میں 3 مرتبہ اضافہ کردیا اور 6 سو سے 2 ہزار روپے تک کے اس اضافے کا اطلاق یکم مارچ سے ہوگا۔

کمپنی کی جانب سے جاری ہونے والی نئی قیمتوں میں سی ڈی 70 کی قیمت 69 ہزار 9 سو روپے سے بڑھ کر 70 ہزار 500 روپے، سی ڈی ڈریم کی قیمت 73 ہزار 9سو سے بڑھ کر 74 ہزار 5سو، پرائڈر 100 سی سی کی قیمت 95 ہزار 9سو سے بڑھ کر 96 ہزار 5 سو، سی جی 125 کی قیمت ایک لاکھ 15 ہزار 9 سو سے بڑھ کر ایک لاکھ 16 ہزار 5سو جبکہ سی بی 150 ایف کی قیمت ایک لاکھ 89 ہزار 9سو سے بڑھ کر ایک لاکھ 91 ہزار 9 سو کردی گئی ہے۔

یہ بھی پڑھیں:   اقتصادی رابطہ کمیٹی اجلاس ،پی آئی اے کے لئے 5 ارب 60 کروڑ کے اجراءکی منظوری

اسی طرح یاماہا موٹر پاکستان کی جانب سے بھی یکم مارچ سے اپنی موٹرسائیکلز کی قیمت میں اضافہ کیا گیا ہے اور اب وائی بی 125 زی کی قیمت ایک لاکھ 23 ہزار 5سو کے بجائے ایک لاکھ 27 ہزار 5 سو روپے ہوگئی ہے جبکہ وائی بی آر 125 جی جو پہلے ایک لاکھ 44 ہزار 5سو کی تھی اب اس کی قیمت ایک لاکھ 49 ہزار 5سو روپے تک پہنچ گئی ہے، اس کے علاوہ وائی بی آر 125 کی قیمت بھی ایک لاکھ 39 ہزار 5 سو سے بڑھ کر ایک لاکھ 44 ہزار 5سو ہوگئی ہے۔

یہ بھی پڑھیں:   ڈیجیٹل انقلاب اور جدت کیلئے ZONG 4G اور HUAWEI کا باہمی اشتراک

اٹلس ہونڈا کی جانب سے 90 فیصد سے زائد لوکلائزیشن کے دعوے کے باجود 2018 میں کم از کم 6 مرتبہ قیمتوں میں اضافہ کیا گیا جبکہ یاماہا موٹر کی جانب سے رواں سال میں یہ دوسرا اضافہ ہے۔اسمبلرز درآمدی پارٹس اور دیگر سامان کی بڑھتی قیمتوں سے صارفین پر اثرانداز ہورہے ہیں جبکہ وہ خود اسے روپے کے مقابلے میں ڈالر کی قدر میں اضافے سے جوڑتے ہیں۔

یہ بھی پڑھیں:   72 ہزار ٹیکس نادہندگان افراد کی شامت آگئی ، مہلت ختم ، حکومت نے بڑا فیصلہ لے لیا

تاہم جنوری 2018 سے جنوری 2019 تک ڈالر کے مقابلے میں مقامی کرنسی نے اپنی قدر میں 26 فیصد تک کم کردی۔ جس کی وجہ سے جولائی 2018 سے جنوری 2019 تک موٹرسائیکلوں کے لیے مکمل اور نیم مکمل کٹس کے کل درآمدی بل 4.13 فیصد اضافے سے 6 کروڑ 30 لاکھ ڈالر تک پہنچ گیا۔