“پاکستان نے ایف 16 طیارہ استعمال کیا تھا”، بھارتی میڈیا نے نسوار کی تھیلی کو بطور ثبوت پیش کردیا

نئی دہلی (مانیٹرنگ ڈیسک) بھارتی میڈیا نے اپنے عوام کو پاگل بنانے کے لیے نسوار کی تھیلی کو بطور ثبوت پیش کردیا جس میں بتانے کی کوشش کی گئی کہ پاکستان نے ایف 16 طیارہ استعمال کیا جس کو بھارتی فضائیہ نے مار گرایا۔

تفصیلات کے مطابق بھارتی حکام نے دعویٰ کیا کہ انہوں نے فضائی حدود کی خلاف ورزی کرنے پر پاکستان کا ایف سولہ طیارہ طیارہ مار گرایا تاہم میڈیا اور حکمرانوں کے پاس اس کا کوئی ثبوت موجود ہی نہیں ہے۔ بھارتی میڈیا نے چیخ چیخ کر اپنی کامیابی کے جھوٹے دعوے کیے اور قوم کو بتایا کہ بھارت کے پائلٹ نے فضائی حدود کی خلاف ورزی کرنے پر پاکستان کا خطرناک طیارہ گرایا۔

یہ بھی پڑھیں:   امریکا ،سب سے طویل پہاڑی سلسلہ کوہ را خزانے سے بھرا پڑا ہے

ایک روز قبل صحافیوں نے تینوں فوجی ترجمان کی مشترکہ پریس کانفرنس میں بھی ثبوت مانگے تو ائیرچیف مارشل نے ایک ٹکڑا دکھا کر اسے بطور ثبوت پیش کیا۔ صحافیوں کے سوالات سن کر فوجی حکام یا بھارتی وزرا اس قدر گھبرائے کہ انہوں نے ثبوت فراہم کرنے کے بجائے آئیں بائیں شائیں سے کام لیا اور بات کو گھما کر پیش کرنے کی کوشش کی۔

یہ بھی پڑھیں:   اہم یورپی ملک کا عجیب و غریب چور گرفتار، طریقہ واردات نے پوری دنیا کو حیران کر دیا

بھارتی وزیراعظم کی طرح جنگی جنون میں مبتلا میڈیا کے کچھ چینلز نے شاہ سے زیادہ شاہ کی وفاداری بننتے ہوئے بطور ثبوت نسوار کی تھیلی پیش کردی۔ ایسا ثبوت دیکھ کر بھارتی عوام تو بے وقوف بن گئے مگر عالمی میڈیا میں بھارت کی خوب جگ ہنسائی ہوئی اور دنیا کے باشعور عوام نے ہنس ہنس کر اس ثبوت کا مذاق بنایا۔

یہ بھی پڑھیں:   قبر میں لٹاتے وقت میت کا چہرہ دیکھناجائز ہے یا نہیں؟

نامور بھارتی چینل انڈیا ٹوڈےکےاینکرنے سوشل میڈیا پر وائرل تصویرکو ایف سولہ کا ٹکڑا قرار دینے کی کوشش کی مگر دفاعی تجزیہ کار نے قلعی کھول دی۔