سوشل میڈیا پر نوبل پیس پرائز فار عمران خان ٹاپ ٹرینڈ بن گیا

اسلام آباد (وائس آف ایشیا)سوشل میڈیا پر نوبل پیس پرائز فار عمران خان ٹاپ ٹرینڈ بن گیا۔تفصیلات کے مطابق وزیراعظم عمران خان نے گذشتہ روز بھارتی قیدی پائلٹ کو رہا کرنے کا اعلان کیا۔یہ اعلان پاکستان کی طرف سے امن کو فروغ دینے کے لیے کیا گیا۔بھارتی پائلٹ کو رہا کرنے پراپنے پرائے سب نے وزیراعظم عمران خان کو سراہنا شروع کر دیا ہے۔

عمران خان کو نوبل پیش پرائز دینے کے لیے امریکی ویب سائٹ کی پٹیشن پر 21 ہزار افراد نے دستخط کر دئیے ہیں۔اسی حوالے سے امریکی کامیڈین جیریمی میکلین نے بھی عمران خان کو امن کا پرائز دینے کا مطالبہ کیا ہیانہوں نے کہا کہ کیا ہم اوبامہ سے نوبل پرائز لے کر عمران خان کو دے سکتے ہیں؟۔ کئی صارفین نے وزیراعظم عمران خان کو امن کا سفیر قرار دے دیا۔

یہ بھی پڑھیں:   نوازشریف کے پلیٹ لیٹس 30 ہزار کی قابل قبول حد سے نیچے گرگئے ، اچانک خون بہنے کا خطرہ موجود،ذاتی معالج نے بڑے خدشے کا اظہا رکردیا

ذرائع کا کہنا ہے کہ اگر وزیراعظم عمران خان افغانستان میں بھی امن بحال کرنے میں کامیاب ہو جاتے ہیں تو مستقبل میں وہ بھارت سے تعلقات استوار کرنے اور افغانستان میں امن قائم کرنے کی کوششوں کی وجہ سے نوبل پرائز کے مضبوط امیدوار ہو سکتے ہیں۔ ایک صارف نے کہا کہ ہمیں عمران خان کو نوبل پرائز دینے کے لیے ایک مہم کا آغاز کرنا چاہئیے۔

یہ بھی پڑھیں:   اثاثے اور کاروبار سیاست میں آنے سے پہلے مختصر مگر اب بڑھ کر اربوں تک جاپہنچے، عمران خان کا ایک ایسا وزیر جس پر نیب ہاتھ ڈالنے سے گریزاں، تہلکہ خیز انکشافات

ایک صارف نے کہا کہ عمران خان عظیم آدمی ہیں ان کی وجہ سے ہم خود پر فخر کر رہے ہیں،عمران خان نوبل پرائز فار پیس کے حقدار ہیں،۔اس کے علاوہ بھی کئی صارفین نے وزیراعظم عمران خان کو امن کا سفیر کہا اور ان کو نوبل پرائز کا حقدار بھی قرار دے دیا۔

یہ بھی پڑھیں:   لاہور ہائیکورٹ نے زبردستی مذہب تبدیل کرنے والی مسیحی لڑکی کو ان کے والد کے ساتھ بھیجنے کا حکم دے دیا

واضح رہے پاکستان نے دو روز قبل بھارتی پائلٹ کو حدود کی خلاف ورزی کرنے پر گرفتار کیا تھا۔وزیراعظم عمران خان نے کل بھارتی پائلٹ کو رہا کرنے کا اعلان کیا تھا جسے آج سہہ پہر واہگہ بارڈر سے بھارت روانہ کیا جائیگا۔