چھوٹی گاڑیاں پسند کرنے والوں کیلئے بڑی خوشخبری، جلد ہی 800 سی سی گاڑی پاکستان میں متعارف کروانے کا امکان

لاہور (ویب ڈیسک ) پاکستان میں آئے دن گاڑیوں کی خریدو فروخت میں اضافہ ہوتا چلا جارہاہے کیونکہ گاڑی اب ہر اہل خانہ کی ضرورت بن چکی ہے اور ہر سال گاڑیوں کی قیمت میں بھی اضافہ ہو تا چلا جارہاہے تاہم کچھ لوگ چھوٹی گاڑی کو چلانے میں ترجیح دیتے ہیں

کیونکہ اس کے اخراجات کم ہوتے ہیں اور یہ فیول بھی کم استعمال کرتی ہے ۔چھوٹی گاڑیاں پسند کرنے والوں کیلئے یہ خبر خوشخبری سے کم نہیں ہو گی کیونکہ ریگل آٹو موبل انڈسٹریز لیمیٹڈ نے اپنی نئی گاڑی پاکستان میں متعارف کروانے کا اعلان کر دیا ہے ۔

یہ بھی پڑھیں:   72 ہزار ٹیکس نادہندگان افراد کی شامت آگئی ، مہلت ختم ، حکومت نے بڑا فیصلہ لے لیا

پاک ویلز پر فراہم کی گئی تفصیلات کے مطابق پرنس کی جانب سے جلد ہی 800 سی سی گاڑی پاکستان میں متعارف کروائی جارہی ہے جس کی ہارس پاور 40 ہے ۔ یہ گاڑی ممکنہ طور پر اسی سال کے اوئل میں ہی لانچ کر دی جائے گی ۔ کمپنی کی جانب سے اس گاڑی کی قیمت تقریبا سات سے ساڑھے سات لاکھ روپے کے درمیان ہو گی ۔

یہ بھی پڑھیں:   ملکی زرمبادلہ 16 کروڑ 93 لاکھ ڈالر کی کمی سے 17 ارب 22 کروڑ 83 لاکھ ڈالر ہوگیا

یہاں پر یہ امر بھی قابل ذکرہے کہ ریگل آٹو موبائلز اور چین کا ڈی ایف ایس کے گروپ گاڑیاں تیارکرنے کے تکنیکی معاہدے میں شامل ہو گیا ہے ۔ یہ معاہدہ پرنس برینڈ کے نام کے تحت آپریشنل ہو گا جو کہ پہلے ہی پاکستان میں چھوٹے ٹرکس بیچ رہا ہے ۔

یہ بھی پڑھیں:   یکم اکتوبر سے پیٹرول کتنا سستا ہو گا؟ عوام کیلئے شاندار خبر آگئی

کمپنی کی جانب سے گاڑی مینول اور آٹو میٹک دونوں ہی متعار ف کروائی جائیں گی ، اس گاڑی کی حد رفتار 120 سے 130 کلومیٹر فی گھنٹہ ہے ۔ پرنس کی مارکیٹ میں سب سے بڑی حریف گاڑیاں مہران اور یونائیٹڈ براوو ہوں گی ۔