ڈونلڈ ٹرمپ اور کِم جونگ کی ملاقات سے زیادہ سعودی ولی عہد محمد بن سلمان کی پاکستان آمد کا چرچا،

Spread the love

اسلام آباد (سی پی پی )پاکستان اور سعودی عرب کے دوستانہ تعلقات نئے دور میں داخل ہونے لگے۔ عالمی میڈیا کی نظریں بھی سعودی ولی عہد محمد بن سلمان کے دورہ پاکستان پر جم گئیں۔ سعودی شہزادے کی آمد کو پاکستان کی معیشت کے لیے اہم قرار دیا جا رہا ہے۔

عالمی میڈیا میں ان دنوں امریکی صدر ڈونلڈ ٹرمپ اور شمالی کوریا کے صدر کِم جونگ ان کی ملاقات سے زیادہ سعودی ولی عہد محمد بن سلمان کی پاکستان آمد کا چرچا ہے۔ خلیجی خبر رساں ادارے گلف نیوز کے مطابق سرمایہ کاری سے پاکستانی معیشت کو فائدہ ہوگا۔

یہ بھی پڑھیں:   بھارتی فضائیہ کی ناکام حکمت عملی پر بھارت نے فضائیہ کے سینئر افسر کو برطرف کر دیا

خلیج ٹائمز نے بھی سرمایہ کاری کو سرخیوں میں جگہ دی۔ گلف نیوز نے مزید لکھا ہے کہ آئل ریفائنری میں سرمایہ کاری سے پاکستانی معیشت میں نیا خون دوڑنے لگے گا، جب کہ پاکستان کا پہلے دورہ کرنے پر بھارتی میڈیا نے عادت سے مجبور ہو کر شکوہ کر ڈالا۔

یہ بھی پڑھیں:   العزیزیہ ریفرنس؛ نوازشریف کی طبی بنیادوں پر ضمانت کی درخواست دائر

فائنانشل ٹائمز کے مطابق پاکستان کو سعودی عرب اور آئی ایم ایف سے فنڈنگ ملنے والی ہے۔ ڈھاکا ٹریبیون کے مطابق سعودی سرمایہ کاری سے پاکستان کی معاشی مشکلات کم ہوں گی۔

این ڈ ی ٹی وی نے سرخی جمائی کہ شہزادہ محمد بن سلمان 15 ارب ڈالر کی سرمایہ کاری کا اعلان کریں گے۔ٹائمز نائو نے شہزادہ محمد بن سلمان کا سامان پہنچنے کی خبر دی تو ہندوستان ٹائمز نے شکوہ بھی کر ڈالا کہ سعودی ولی عہد بھارت سے پہلے پاکستان کا دورہ کر رہے ہیں۔

یہ بھی پڑھیں:   اسلام آباد ہائی کورٹ نے نوازشریف کی تمام میڈیکل رپورٹس طلب کرلیں