اقتصادی رابطہ کمیٹی اجلاس ،پی آئی اے کے لئے 5 ارب 60 کروڑ کے اجراءکی منظوری

اسلام آباد(ویب ڈیسک)اقتصادی رابطہ کمیٹی (ای سی سی)نے پی آئی اے کے لیے 5ارب 60کروڑ روپے جاری کرنے کی منظوری دے دی۔

منگل کو وزیر خزانہ اسد عمر کی زیر صدارت اقتصادی رابطہ کمیٹی کا اجلاس ہوا جس کے دوران پی آئی اے کو 5ارب 60 کروڑ کے اجرا ک منظوری دیتے ہوئے کہا گیا کہ اس رقم سے پی آئی اے کے طیاروں کو قابل استعمال بنانے کے لیے پرزے خریدے جائیں گے۔

یہ بھی پڑھیں:   یکم اکتوبر سے پیٹرول کتنا سستا ہو گا؟ عوام کیلئے شاندار خبر آگئی

ای سی سی نے کپاس کی فصل بڑھانے کے لیے اقدامات اٹھانے کی منظوری بھی دی ۔ کپاس کی پیداوار بڑھانے کے لیے چین سے مدد لینے کا فیصلہ کیا گیا اور کہا گیا کہ کپاس پر تحقیق اور پیداوار بڑھانے کے لیے چین کے تجربے سے استفادہ کیا جائے۔

یہ بھی پڑھیں:   پاکستان اسٹاک ایکسچینج میں گزشتہ ہفتے 100 انڈیکس میں کمی

ای سی سی اجلاس میں کپاس اگانے والے علاقوں کو سہولتیں فراہم کرنے اور کپاس کی فصل بڑھانے کے لیے ریسرچ ڈیولپمنٹ پر خصوصی توجہ دینے کا بھی فیصل کیا گیا۔