پارلیمنٹ نہیں چلنے دیں گے، خورشید شاہ کی حکومت کو دھمکی

Spread the love

اسلام آباد(مانیٹرنگ ڈیسک) پیپلز پارٹی کے رہنما خورشید شاہ نے کہا ہے کہ اگر شہباز شریف کو پبلک اکاؤنٹس کمیٹی کی چیرمین شپ سے ہٹایا گیا تو اسمبلی نہیں چلنے دیں گے۔پیپلز پارٹی نے شہباز شریف کو چیرمین پی اے سی سے ہٹانے کے ممکنہ حکومتی اقدام کے خلاف سخت ردعمل دینے کا فیصلہ کیا ہے۔

اسلام آباد میں خورشید شاہ نے ایک بیان میں کہا کہ اگر شہباز شریف کے خلاف تحریک عدم اعتماد پیش کی گئی تو حکومت قومی اسمبلی کی کارروائی بھی نہیں چلا سکے گی،

یہ بھی پڑھیں:   نیب کا حمزہ شہباز کے گھر پر چھاپہ، سارے گھر کی تلاشی لی گئی

عمران خان اسمبلی کو کنٹینر کی طرح چلانے کی کوشش کر رہے ہیں، حکومت نے اسپیکر اسد قیصر کو پریشان کرکے رکھ دیا ہے، جبکہ اسپیکر کو خود سے کمیٹی ارکان کی ردو بدل کا کوئی اختیار نہیں بلکہ صرف پارٹی کی درخواست پر وہ ردو بدل کرسکتے ہیں۔

خورشید شاہ نے کہا کہ ماضی میں تحریک انصاف کے اراکین ایوان میں رقص کرتے رہے اور ٹیبل پر کھڑے ہو جاتے تھے، حکومت نے ڈگر نہ بدلی تو اپوزیشن کو بھی ایسا ہی کرنا پڑے گا،

یہ بھی پڑھیں:   لاہور، پولیس مقابلے میں طالبہ جاں بحق

اپوزیشن جماعتوں نے صرف اسپیکر، شاہ محمود قریشی اور پرویز خٹک کی وجہ سے پارلیمنٹ کو چلانے کی کوشش کی لیکن اسمبلی کو بے توقیر طریقے سے چلانے نہیں دیں گے، حکومت عوام کو ڈلیور کرنے میں ناکام ہوگئی ہے اور لڑائیوں میں الجھانا چاہتی ہے۔

خورشید شاہ نے کہا کہ وزیراعظم کی آئی ایم ایف سربراہ سے ملاقات پاکستان کی تذلیل ہے، ماضی میں ایسی کوئی مثال نہیں ملتی، عمران خان پاکستان کی تذلیل کرنے کے سوا کچھ نہیں کر سکتے،

یہ بھی پڑھیں:   پاکستان پر سی پیک منصوبوں کے باعث چین کا کوئی قرضہ نہیں بڑھ رہا ،چینی سفیر نے واضح کردیا

کشکول توڑنے اور خود کشی کا اعلان کرنے والا خود آئی ایم ایف کے سامنے پیش ہوا۔خورشید شاہ نے مزید کہا کہ ایم کیو ایم حکومت کو بلیک میل کر کے فائدہ لے گی، اس کی تاریخ ہے کہ موقع سے فائدہ اٹھاتی ہے، ایم کیو ایم کو اپوزیشن کا حصہ سمجھتے نہ سمجھیں گے۔

8 تبصرے “پارلیمنٹ نہیں چلنے دیں گے، خورشید شاہ کی حکومت کو دھمکی

  1. Pingback: 안전공원
  2. Pingback: dumps with pin
  3. Pingback: functional testing

تبصرے بند ہیں