عمران خان کی آمرانہ سوچ کھل کر سامنے آ گئی، مریم اورنگزیب

اسلام آباد(مانیٹرنگ ڈیسک)ترجمان مسلم لیگ (ن) اورنگزیب کا کہنا ہے کہ ملک میں اس وقت ڈکٹیٹر طرز کی حکومت مسلط ہے اور عمران خان کی آمرانہ سوچ کھل کر سامنے آ گئی ہے

عمران خان کی تقریر پر ردِعمل کا اظہار کرتے ہوئے مسلم لیگ (ن) کی ترجمان مریم اورنگزیب کا کہنا تھا کہ پورے پاکستان کو معلوم ہے کہ عمران خان سلیکٹڈ وزیراعظم ہیں، ان کے پاس نہ ہی اختیار ہے اور نہ ہی ان کی عزت ہے

آج ان کی تقریر ڈی چوک تقریر سے مختلف نہیں تھی، اس وقت ہم نے عمران خان کو ڈی چوک پر ڈیل اور ڈھیل دی تھی۔مریم اورنگزیب کا کہنا تھا کہ آج عمران خان نے اپوزیشن کو دھمکیاں دیں، ان کی آمرانہ و فاشسٹ سوچ کھل کر سامنے آگئی ہے

یہ بھی پڑھیں:   افضل کوہستانی کے بھائی نے اپنے بھائی کے قتل کی تحقیقات کے لیے جوڈیشل کمیشن بنانے کا مطالبہ کردیا

اس وقت ملک پر ایک ڈکٹیٹر طرز کی حکومت مسلط ہے، عمران خان اپوزیشن کو دھمکیاں دینا بند کریں اور کان کھول کر سن لیں کہ اپوزیشن آپ سے ڈرنے والی نہیں ہے،

عمران خان سجھتے ہیں کہ پارلیمنٹ ان کی جوابدہ ہے، انہیں چاہئے کہ وہ آئین پاکستان کا مطالعہ کریں، پارلیمان وزیر اعظم کو جوابدہ نہیں ہوتی۔ترجمان نے کہا کہ عمران خان اپنی کارکردگی پر پردہ ڈالنے کے لیے این آر او کا شور مچا رہے ہیں،

یہ بھی پڑھیں:   اگر اربوں روپے کھانے والے ملزمان کو آسانی سے ضمانت مل سکتی ہے تو علیم خان جیسے کاروباری شخص کو بھی ضمانت دی جانی چاہئے، فواد چودھری

لیکن اپوزیشن ان کی کارکردگی پر نہ این آر او نہ ڈیل اور نہ ڈھیل دے گی، اور حکومت کے رویے بارے میں حکمت عملی طے کرے گی، سلیکٹڈ وزیر اعظم سے کوئی ڈیل اور ڈھیل نہیں مانگتا، ڈیل اور ڈھیل لینے والے اپنی اہلیہ کو بستر مرگ پر چھوڑ کر جیل پیش نہیں ہوتے، یہ عمران خان اور ان کی ٹیم کی پست سوچ کی عکاسی ہے کہ وہ نواز شہباز کی صحت پر سیاست کرتے ہیں۔

یہ بھی پڑھیں:   پشاور میں پولیس اور دہشتگردوں کے درمیان مقابلے، ایک دہشتگرد ہلاک

مریم اورنگزیب نے مزید کہا کہ ڈیل اور این آر او کی باتیں کرنے والے علیمہ خان کو ڈیل دے چکے ہیں، نیب عمران خان جہانگیر ترین اور علیمہ خان کی گرفتاری کیوں نہیں کرتی، عمران خان کو بنی گالہ اراضی، ہیلی کاپٹر، علیمہ کے بانامی ہونے پر جواب دہ ہونا پڑے گا۔