جنوبی افریقا سے پاکستانی ٹیم کی شکست،ذمہ دارکون ؟

Spread the love

لاہور(ماجد اسحاق سے)قومی کرکٹ ٹیم کے ہیڈ کوچ مکی آرتھر نے کہاہےکہ جنوبی افریقا سے شکست کا ذمہ دار کسی ایک کو نہیں ٹھہراؤں گا کیونکہ ہم سب شکست کے ذمہ دار ہیں۔

لاہور میں میڈیا سے گفتگو کرتے ہوئے مکی آرتھر نے کہا کہ ہم نے ساڑھے چار ماہ مسلسل کرکٹ کھیلی، نوجوان کھلاڑی اچھا پرفارم کر رہے ہیں، ہمیں ہر کنڈیشنز میں اچھا کھیلنے کی ضرورت ہے، ٹیسٹ فارمیٹ میں ابھی بہتری کی ضرورت ہے۔

یہ بھی پڑھیں:   پاک بھارت کشیدگی: پی ایس ایل کے میچز منسوخ کرانے کی سازش ناکام

انہوں نے کہا کہ شکست کا ذمہ دار کسی ایک کو نہیں ٹھہراؤں گا، ہم سب شکست کے ذمہ دار ہیں، جنوبی افریقا میں کبھی کوئی ایشین ٹیم ٹیسٹ سیریز نہیں جیتی، وہاں بیٹنگ کی کنڈیشنز ٹف ہوتی ہیں۔

ہیڈ کوچ کا کہنا تھا کہ ورلڈ کپ کیلئے کمبی نیشن بنارہے ہیں اور چیف سلیکٹر کے ساتھ مشاورت میں ہیں، آسٹریلیا کے خلاف سیریز میں مائنڈ بنائیں گے کہ کیسے ورلڈکپ میں جانا ہے، انگلینڈ کے خلاف سیریز والے پندرہ کھلاڑی ہی ورلڈکپ میں جائیں گے۔

یہ بھی پڑھیں:   آسٹریلیا نے پاکستان کو سیریز کے دوسرے ٹیسٹ میچ میں بھی شکست دیدی

مکی آرتھر نے مزید کہاکہ سرفراز سے جو ہوا وہ غلط تھا، اس نے معافی مانگی اور سزا بھی ہوگئی، اب آگے بڑھنا چاہیے، سرفراز کے معاملے میں پی سی بی نے میرے ساتھ مکمل مشاورت کی، سرفراز احمد کی بیٹنگ پر بہت محنت کی جارہی ہے، ان کی فارم سے پریشان نہیں ہوں، وہ باصلاحیت کرکٹر ہے، ساڑھے چار ماہ سرفراز نے اچھی کیپنگ کی۔

ایک سوال کے جواب میں ہیڈ کوچ نے کہا کہ ڈریسنگ روم میں جو ہوتا ہے وہ اندر ہی رہنا چاہیے، مجھے افسوس ہوتا ہے جب چیزیں باہر آتی ہے، میں ایک ایماندار شخص ہوں اور پروفیشنل کام کرتا ہوں، میرا کہنا بہتری کے لیے ہوتا ہے، مجھے ڈریسنگ روم کی باتیں باہر آنے سے نفرت ہے۔

یہ بھی پڑھیں:   ایشیا کپ کرکٹ ٹورنامنٹ 2020 کی میزبانی پاکستان کو مل گئی

مکی آرتھر نے کہا کہ ورلڈکپ کے بعد میرے کام کرنے یا نہ کرنے کا پی سی بی پر منحصر ہے لیکن مجھے پاکستان ٹیم کے ساتھ مزید کام کرنا اچھا لگے گا۔