کشمیر کے مستقبل کا فیصلہ صرف کشمیریوں کو کرنا ہے، صدر مملکت

اسلام آباد(مانیٹرنگ ڈیسک) صدر مملکت ڈاکٹر عارف علوی کا کہنا ہے کہ کشمیر پر صرف کشمیریوں کا حق ہے اور کشمیر کے مستقبل کا فیصلہ صرف کشمیریوں کو کرنا ہے۔

یوم کشمیرپرقانون ساز اسمبلی سے خطاب کرتے ہوئے صدر پاکستان ڈاکٹر عارف علوی کا کہنا تھا کہ برصغیرکی تقسیم کے وقت پاکستان اورکشمیرکےساتھ ناانصافی اورسازش کی گئی، باؤنڈری کمیشن نے مسلم اکثریتی علاقوں کو بھارت کے حوالے کیا، باؤنڈری کمیشن نےسوچے سمجھے منصوبے کے تحت سازش کی۔

یہ بھی پڑھیں:   18 ویں ترمیم پر کوئی سمجھوتہ نہیں ہونے دیں گے،بلاول بھٹو زرداری

صدر پاکستان نے کہا کہ صدیوں سے کشمیری بھائی ظلم سہتے آئے ہیں، کشمیر پر صرف کشمیریوں کا حق ہے اور کشمیر کے مستقبل کا فیصلہ صرف کشمیریوں کو کرنا ہے جب کہ کشمیر کے حوالے سے پاکستانی سیاستدانوں میں کوئی اختلاف نہیں۔
عارف علوی کا کہنا تھا کہ وزیراعظم نے بھارت کی جانب دوستی کا ہاتھ بڑھایا لیکن قابض بھارت بات چیت سے بھاگتا ہے،بھارت سے جب بھی بات چیت کا کہا اس نےکوئی ناکوئی بہانہ بنادیا، کشمیروں کے حق خود ارادیت کی بلاتفریق حمایت کرتےہیں

یہ بھی پڑھیں:   منی لانڈرنگ پر 10 سال قید،5 کروڑجرمانہ ہو گا،انسداد منی لانڈرنگ بل کل پارلیمنٹ میں پیش کیا جائیگا

Related