گیس کے بلوں میں اضافے کی تحقیقاتی کمیٹی تشکیل

Spread the love

اسلام آباد(مانیٹرنگ ڈیسک) وفاقی حکومت نے گیس کے بلوں میں اضافے کی تحقیقات کے لیے کمیٹی تشکیل دے دی۔ گیس کے ماہانہ بلوں میں اضافے کی تحقیقات کے لیے وفاقی حکومت نے اعلیٰ سطح کی تحقیقاتی کمیٹی تشکیل دیتے ہوئے باضابطہ نوٹیفکیشن جاری کردیا ہے۔
وزارت توانائی کے سینئر افسران پر مشتمل 4 رکنی کمیٹی کی سربراہی شیرافگن خان کریں گے۔ اس کمیٹی میں شاہد یوسف، عمران احمد اور ایس این جی پی ایل کے جنرل منیجر شامل ہوں گے۔
تحقیقاتی کمیٹی گیس کے بلوں میں اضافے کے اسباب و وجوہات کا جائزہ لے گی اور تحقیقات کی روشنی میں بلوں کے نظام میں ترامیم کی سفارش بھی کرسکے گی۔

یہ بھی پڑھیں:   وزیر اعظم عمران خان کا امریکا کے ساتھ فوجی تعاون جاری رکھنے پر زور

Related