اداکار راہول ڈکشٹ نے پنکھے سے لٹک کر خودکشی کرلی

ممبئی(این این آئی) اداکار راہول ڈکشٹ نے پنکھے سے لٹک کر خودکشی کرلی۔بھارتی میڈیا کے مطابق 28 سالہ اداکار راہول ڈکشٹ کا تعلق بھارتی ریاست راجستھان سے ہے وہ اداکاری کی دنیا میں نام بنانے کے لیے جے پور سے ممبئی آئے تھے تاہم گزشتہ روز گھر سے اْن کی پنکھے سے لٹکی لاش برآمد ہوئی ہے۔

یہ بھی پڑھیں:   جنگ دہشت گردی کے خلاف ہونی چاہیے لیکن کسی ملک کے خلاف نہیں، جان ابراہم

لاش کے پاس سے کوئی سوسائیڈ نوٹ نہیں ملا۔میڈیا رپورٹس کے مطابق راہول اور ان کی اہلیہ پریا ممبئی کے علاقے اوشیوارا میں اپنے گھر میں دوستوں کے ساتھ رات دیر تک پارٹی کرنے کے بعد سوگئے کہ اچانک صبح 5 بجے پریا کی آنکھ کھلی تو راہول کی لاش پنکھے سے لٹکی ہوئی تھی۔

یہ بھی پڑھیں:   بھارتی فلموں کی مشہور اور چلبلی اداکارہ سوناکشی سنہا بڑی مصیبت میں پھنس گئی، پولیس نے مقدمہ درج کر لیا

پریاکا کہنا ہے کہ انہوں نے لاش کو کوکیلا بین اسپتال منتقل کیا لیکن راہول کی موت واقع ہوچکی تھی۔ پولیس نے کیس درج کرکے تفتیش کا آغاز کردیا ہے۔دوسری جانب راہول کے والد نے پریا پر الزام لگاتے ہوئے کہا ہے کہ ان کا بیٹا خودکشی نہیں کرسکتا اس کے بیٹے کی موت کی ذمہ دار پریا ہے۔

یہ بھی پڑھیں:   ہندو انتہا پسندوں نے شاہ رخ خان پر کروڑوں روپے خفیہ طریقے سے پاکستان بھجوانے کا الزام لگادیا

بھارتی میڈیا رپورٹس کے مطابق روزانہ سیکڑوں لوگ ممبئی میں اپنی قسمت بنانے آتے ہیں راہول بھی آنکھوں میں اداکار بننے کا خواب سجائے ممبئی آیا تھا۔

Related

اپنا تبصرہ بھیجیں