عمران خان کا اپنا دامن داغدار، علیمہ خان کی جائیداد کی منی ٹریل اور ہیلی کاپٹر کیس کا جواب دیں: حمزہ شہباز شریف

Spread the love

لاہور (مانیٹرنگ ڈیسک) پنجاب اسمبلی میں قائد حزب اختلاف حمزہ شہباز شریف نے کہا ہے کہ عمران نیازی کا اپنا دامن داغدار ہے، وہ کس منہ سے اپوزیشن کو چور اور ڈاکو کہتے ہیں ، انہیں علیمہ خان کی جائیداد کی منی ٹریل دینا ہو گی، بڑھکیں مارنے سے ملک نہیں چلتا، قبلہ درست کریں تو اپوزیشن ملکی ترقی کیلئے ساتھ دینے کو تیار ہے۔تفصیلات کے مطابق لاہور میں میڈیا سے گفتگو کرتے ہوئے حمزہ شہباز شریف نے کہا کہ عمران نیازی کا اپنا دامن داغدار ہے، وہ کس منہ سے اپوزیشن کو چور اور ڈاکو کہتے ہیں، چوروں کو پکڑنے کی وہ بات کرے جس کا اپنا دامن صاف ہو ، علیمہ خان کی جائیدادیں پہلے متحدہ عرب امارات (یو اے ای) میں نکلیں اور اب نیوجرسی میں نکلی ہیں، عمران خان کو علیمہ خان کی جائیداد کی منی ٹریل دینا ہو گی اور آپ کو ہیلی کاپٹر کیس کا جواب بھی دینا ہو گا۔انہوں نے کہا کہ آج ایوان میں مفادات کے تنازع پر بل آ رہا ہے حالانکہ آپ کے وزیر عبدالرزاق داﺅد کو مہمند ڈیم میں حصہ دار ہیں جنہیں ٹھیکہ دیا گیا ہے، یہ مفادات کا تنازع نہیں تو کیا ہے ۔ آپ نے 1400 ارب روپیہ سٹیٹ بینک سے قرضہ لیا ہے جبکہ آپ تو کہتے تھے کہ حکومت قرضہ لیتی ہے ، وہ دن آنے والا ہے جب نیازی صاحب دوبارہ کنٹینر پر چڑھیں گے اور قوم سے معافی مانگیں گے کہ میں جھوٹ بولتا تھا۔انہوں نے کہا کہ اس وقت ملک میں احتساب کا دوہرا معیار ہے جو 22 کروڑ عوام کی توہین ہے، شریف خاندان کیخلاف ایک پیسہ کرپشن ثابت نہیں کر سکے اور ہمارا دامن آج بھی صاف ہے، اس طرح پاکستان نہیں چلے گا اور عمران نیازی ہوش کریں کہ بڑھکیں مارنے سے ملک نہیں چلتا البتہ اگر یہ اپنا قبلہ درست کر لیں تو ہم ملک و قوم کی ترقی کی خاطر حکومت کا ساتھ دینے کو تیار ہیں۔انہوں نے مزید کہا کہ پنجاب میں معاملات جوں کے توں ہیں، لوکل باڈیز کو فنڈز نہیں مل رہے جبکہ حکومت کو یہ سمجھ ہی نہیں آ رہی کہ معیشت کو کیسے ٹھیک کرنا ہے۔

یہ بھی پڑھیں:   سانحہ ساہیوال کیخلاف مظاہرے،وکلا اور تاجروں کا آج ہڑتال کا اعلان

Related

مزید پڑھیں

لاک ڈاؤن میں نرمی یا سختی؛ قومی رابطہ کمیٹی کا اجلاس جاری
پاکستان میں کورونا کے مریضوں کی تعداد 26 ہزار 435 ہو گئی، 599 جاں…
کورونا سے ایک دن میں 40 افراد جاں بحق، مریضوں کی تعداد 23 ہزار…
کورونا کے مریضوں کی تعداد 20 ہزار 884 ہوگئی، 476 جاں بحق
چینی ڈکیتی کی حتمی رپورٹ نہ آنا عمران نیازی کا اعترافِ جرم ہے،میاں شہبازشریف
پاکستان کا قرض ایک سال کیلیے منجمد،آئی ایم ایف نے منظوری دے دی

38 تبصرے “عمران خان کا اپنا دامن داغدار، علیمہ خان کی جائیداد کی منی ٹریل اور ہیلی کاپٹر کیس کا جواب دیں: حمزہ شہباز شریف”

اپنا تبصرہ بھیجیں