بھارت میں مقیم پاکستانی خاتون وطن واپسی کی منتظر

Spread the love

لاہور(مانیٹرنگ ڈیسک) بھارت میں مقیم پاکستانی خاتون کبریٰ گیلانی وطن واپسی کی منتظر ہےتاہم بھارتی حکام کی جانب سے اسے کلیئرنس نہیں دی جارہی۔بھارت میں مقیم پاکستانی خاتون کبریٰ گیلانی کو وطن واپس آنے کےلئے بھارتی حکام کی طرف سے اجازت نہیں دی جارہی ہے، کبری گیلانی اپنے شوہرسے علیحدگی کے بعد واپس پاکستان آنا چاہتی ہے لیکن بھارتی وزارت داخلہ کی جانب سے اسے کلیئرنس نہیں دی جارہی ہے۔

مظفرآباد کی تحصیل ڈومیل کی رہائشی کبریٰ گیلانی کی 25 مارچ 2010 میں مقبوضہ کشمیرکے رہائشی محمدالطاف سے شادی ہوئی تھی ، دونوں میاں بیوی ہنسی خوشی زندگی گزاررہے تھے تاہم شادی کے 8 سال بعد بھی اولادنہ ہونے کی وجہ سے دونوں میں دوریاں پیدا ہوگئیں اوربالاخر نومبر 2018 میں دونوں میں طلاق ہوگئی۔

طلاق کے بعد کبریٰ گیلانی نے واپس پاکستان آنے کے لئے پاکستانی سفارتخانے سے اپنا نیا پاسپورٹ حاصل کیا لیکن اب بھارتی حکومت اسے واپس آنے کی اجازت نہیں دے رہی ہے، پاکستانی خاتون کئی ماہ سے بھارتی وزارت داخلہ کے دفاترکے چکرکاٹ رہی ہے لیکن اسے بغیرکوئی وجہ بتائے کلیئرنس نہیں دی جارہی ہے۔ کبریٰ گیلانی کے مطابق وہ لوگوں کے گھروں میں کام کاج کرکے اپنا پیٹ پال رہی ہیں اور واپس پاکستان آنے کی کوشش کررہی ہیں، انہوں نے پاکستانی حکام سے اپیل کی ہے کہ اس حوالے سے بھارتی حکام سے بات کی جائے اوراس کی پاکستان واپسی کو ممکن بنایا جائے۔

مظفرآبادڈومیل میں موجود کبریٰ گیلانی کے خاندان اوربوڑھی والدہ کو بھی اپنی بیٹی کی وطن واپسی کا انتظارہے ، انہوں نے انسانی حقوق کی تنظیموں سے تعاون اورمددکی اپیل کی ہے تاکہ ان کی بیٹی وطن واپس آسکے۔

یہ بھی پڑھیں:   زرداری ہاؤس میں آصف زرداری سے مولانا فضل الرحمان کی اہم ملاقات

Related

مزید پڑھیں

لاک ڈاؤن میں نرمی یا سختی؛ قومی رابطہ کمیٹی کا اجلاس جاری
پاکستان میں کورونا کے مریضوں کی تعداد 26 ہزار 435 ہو گئی، 599 جاں…
کورونا سے ایک دن میں 40 افراد جاں بحق، مریضوں کی تعداد 23 ہزار…
کورونا کے مریضوں کی تعداد 20 ہزار 884 ہوگئی، 476 جاں بحق
چینی ڈکیتی کی حتمی رپورٹ نہ آنا عمران نیازی کا اعترافِ جرم ہے،میاں شہبازشریف
پاکستان کا قرض ایک سال کیلیے منجمد،آئی ایم ایف نے منظوری دے دی

39 تبصرے “بھارت میں مقیم پاکستانی خاتون وطن واپسی کی منتظر”

اپنا تبصرہ بھیجیں