جھنگ، ڈائریکٹر انٹی کرپشن مہر شفقت اللہ مشتاق کی سرکٹ ہاﺅ س میں کھلی کچہری

جھنگ(فیصل منظور سے) ڈائریکٹر انٹی کرپشن مہر شفقت اللہ مشتاق نے سرکٹ ہاﺅ س میں کھلی کچہری لگائی جس میں اسسٹنٹ کمشنر عبدالرﺅف،سرکل آفیسر انٹی کرپشن محمد عثمان سمیت دیگر متعلقہ افسران نے شرکت کی۔ڈائریکٹر انٹی کرپشن مہر شفقت اللہ مشتاق نے کھلی کچہری سے خطاب کرتے ہوئے کہا کہ بدعنوانی ایک ناسور ہے جو معاشرے کی جڑوں کو کھوکھلا اور ملکی اداروں کو تباہ کردیتا ہے۔ عام لوگوں کا کوئی پرسان حال نہیں ہمیں ان کے مسائل ترجیحی بنیادوں پر حل کرنے چاہئیں۔سرکاری اداروںمیں ان کو عزت و احترام ملنا چاہئے ۔ اختیارات سے تجاوز کرنا ‘ بااثر افراد کو عام لوگوں پرترجیح دینا‘ اپنی ذمہ داریاں احسن طریقے سے پوری نہ کرنا بھی بدعوانی کے زمرے میں آتی ہیں۔ہمیں جذبے اور لگن کے ساتھ ملک کی تعمیر و ترقی کے لئے کام کرنا ہوگا ہمیں بحیثیت قوم مشترکہ طور پر کرپشن کے خاتمے کے لئے کاوشیں کرنی ہوں گی۔ جب تک ہم اپنے اداروں اور معاشرے کو بدعنوانی سے پاک نہیں کریں گے اس وقت تک ہم ترقی کی راہ پر گامزن نہیں ہوسکتے۔جس کے لئے ہمیں شعور اجاگر کرنا ہوگا۔اس کا مکمل خاتمہ تو ممکن نہیں مگر اس پر کافی حد تک قابو پایا جاسکتا ہے۔قبل ازیں ڈائریکٹر انٹی کرپشن مہر شفقت اللہ مشتاق نے سائلین کی طرف سے پیش کی گئی درخواستوں کی فرداً فرداً سماعت کی اورازالہ کےلئے متعلقہ محکموں کے افسران کو احکامات جاری کئے۔

یہ بھی پڑھیں:   مریضوں کے علاج معالجہ کےلئے کوئی کسر نہ چھوڑی جائےگی، ڈاکٹر منصور چیمہ

Related

اپنا تبصرہ بھیجیں